प्रकाशित मिति : मंसिर ४, २०८२ बिहीबार
अमेरिकाको नर्थ क्यारोलाइनाको शार्लोट शहरलाई निशाना बनाएर सुरु गरिएको आप्रवासन (इमिग्रेशन) कारबाही सकिएको स्थानीय अधिकारीहरूले घोषणा गरेपछि अन्योलता देखिएको छ।
शनिबार सुरु भएको आप्रवासन कारबाही सकिएको भन्दै स्थानीय अधिकारीहरूले घोषणा गरेका हुन्। तर, केही क्षणमै संघीय अधिकारीहरूले यो दाबी अस्वीकार गर्दै अभियान कायमै रहेको बताएका छन्।
बिहीबार बिहान मेकलेनबर्ग काउन्टीका शेरिफ गेरी म्याकफ्याडेनले शहरमा भइरहेको संघीय आप्रवासन कारबाही सकिएको भनी वक्तव्य जारी गरेका थिए।
तर, तुरुन्तै एक उच्च डिपार्टमेन्ट अफ होमल्याण्ड सेक्युरिटी (डीएचएस) का अधिकारीले यो दाबी “गलत” भएको बताएका छन्।
डीएचएसले शार्लोटमा भइरहेको कारबाहीलाई “अपरेशन शार्लोट्स वेब” नाम दिएको छ।
जसअन्तर्गत पाँच दिनभन्दा बढी समयसम्म चलेको अभियानमा ३७० भन्दा बढी व्यक्तिलाई पक्राउ गरिएको थियो।
यस कारबाहीका क्रममा व्यवसायहरू बन्द भए। स्कुलमा विद्यार्थी जान सकेनन्। समुदायमा डर र त्रास फैलिएको बताइन्छ।
कारबाहीमा नेतृत्व दिएका शीर्ष बोर्डर पेट्रोल अधिकारी ग्रेगरी बोभिनो र उनका केही संघीय एजेन्टहरूले बिहीबार शार्लोट छोडेको बताइएको छ। तर, डीएचएसका सहायक सचिव ट्रिसिया म्याकलफलिनले अपरेशन शार्लोट्स वेब अहिलेका लागि नरोकिनेबताइन्।
अधिकारीहरूका अनुसार, बोभिनोले शार्लोट छोडेको भए पनि शार्लोट क्षेत्रमा आप्रवासन कारबाही शिकागोमा जस्तै जारी रहने छ।
बोभिनो र उनको टोलीले थ्याङ्क्सगिभिङ छुट्टीपछि सम्भवतः डिसेम्बर १ देखि न्यु ओर्लियान्समा अर्को कारबाही सुरु गर्ने तयारीमा छन्।
अब ध्यान न्यु ओर्लियान्सतर्फ केन्द्रित भएको देखिन्छ, जहाँ डिसेम्बर १ देखि कारबाही सुरु हुने सम्भावना छ। यो पहिलो पटक रिपब्लिकन–नेतृत्व पूर्ण राज्यभित्र डेमोक्रेट–नेतृत्व शहरमा जस्तो अपरेशन हुनसक्ने बताइएको छ।
केही दिनसम्म संघीय आप्रवासन कारबाही चलेपछि शार्लोट शहरको समुदायमा त्रास फैलिएको स्थानीयहरूले बताएका छन्। शनिबारदेखि बिहीबारसम्म करिब ३० हजार विद्यार्थी विद्यालय जान जान नपाएका स्थानीयहरुले बताएका छन ।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्