प्रकाशित मिति : फाल्गुन ९, २०८१ शुक्रबार
ट्रम्प प्रशासनले अमेरिकाभरका सैन्य हिराशतहरुमा कागजात नभएका आप्रवासीहरूलाई हिरासतमा राख्ने योजनाहरू बनाइरहेको जनाइएको छ । राष्ट्रपतिले प्रतिज्ञा गरेको देशनिकालालाई तीब्र पार्न युद्धकालीन स्रोतहरू प्रयोग गर्न लागिएको हो ।
राष्ट्रपति ट्रम्पको टोलीले टेक्सासको एल पासो नजिकै फोर्ट ब्लिसमा १० हजार कागजातविहीन आप्रवासीहरूलाई राख्न सकिने हब निर्माण गरिरहेको छ । फोर्ट ब्लिसले नमुनाको रूपमा काम गर्नेछ किनकि प्रशासनले देशभरका सैन्य साइटहरूमा थप हिराशत राख्ने लक्ष्य राखेको छ । युटाहदेखि नियाग्रा फल्स नजिकको क्षेत्रसम्म हिराशतहरु राख्ने योजना बनाइएको छ ।
अघिल्लो प्रशासनहरूले केही आप्रवासीहरूलाई सैन्य क्याम्पहरुमा राखेका थिए । आप्रवासी बच्चाहरूको लागि संघीय सरकारको आश्रय प्रणाली भरिंदा सैन्य आधारहरूले आपतकालीन ब्याकअपको रूपमा काम गरेका थिए ।
तर ट्रम्प प्रशासनको योजनाले देशनिकालाको प्रकृयामा रहेका आप्रवासीहरूका लागि सैन्य हिरासतहरूको राष्ट्रव्यापी नेटवर्क स्थापना गरेर त्यो अभ्यासलाई विस्तार गर्नेछ। हालसम्म पेन्टागनले ५ हजार सक्रिय ड्यूटी सेना र नेसनल गार्ड सदस्यहरूलाई सीमा गस्तीलाई सहयोग गर्न दक्षिणी सीमामा तैनाथ गरेको छ, आगामी हप्ताहरूमा त्यो संख्या दोब्बर गर्ने लक्ष्य लिइएको छ ।
ट्रम्प प्रशासनले अझै पनि आप्रवासीहरूलाई त्यस्तो दरमा गिरफ्तार गरिरहेको छैन जसले सैन्य हिराशतहरूको राष्ट्रव्यापी नेटवर्क भर्नेछ। आइस अधिकारीहरूले जनवरी २१ देखि फेब्रुअरी १५ सम्म १५ हजार भन्दा बढीलाई गिरफ्तार गरेका छन् । यो व्हाइट हाउसका अधिकारीहरूले चाहेको भन्दा धेरै कम हो ।
कति आप्रवासीहरूलाई विभिन्न सैन्य हिराशतहरूमा राख्न सकिन्छ भन्ने प्रष्ट छैन । किनभने ट्रम्प प्रशासनले उनीहरूको वरपरको ठाउँमा नयाँ पाल शिविरहरू विकास गर्नेछ। तर एक दर्जन भन्दा बढी राज्यहरूमा सैन्य आधारहरूमा भरोसा गर्ने योजनाहरू हिराशतहरुको ठूलो विस्तार हुनेछ।