पेप्सीकोलाको फुटबल ग्राउन्ड नजिकै कटेजमा मध्यराति आगलागी, नियन्त्रण प्रयास हुँदै

१९ भदौ, काठमाडौं । काठमाडौं महानगरपालिका–३२ को पेप्सीकोलामा आगलागी भएको छ । पेप्सीकोला फुटबल ग्राउन्ड नजिकै रहेको कटेजमा आगलागी भएको हो ।

प्रहरी वृत्त, काँडाघारीका असई रमेश ओलीका अनुसार, राति साढे १२ बजे कटेजमा आगलागी भएको हो । प्रहरीका अनुसार, कटेजमा विद्युत् सर्ट भएर आगलागी भएको हो ।

अहिले दमकल पुगेर आगलागी नियन्त्रणको प्रयास गरिरहेको असई ओलीले जानकारी दिए ।

अहिलेसम्म कटेजका सञ्चालक भने प्रहरीको सम्पर्कमा आइसकेका छैनन् । अहिले दमकलसहित प्रहरीको टोली पुगेर आगो निभाउने काम गरिरहेको छ । थप विवरण आउन बाँकी छ ।