प्रकाशित मिति : चैत्र ७, २०८१ बिहीबार
अमेरिकी शिक्षा मन्त्रालय खारेज गर्ने कार्यकारी आदेशमा राष्ट्रपति डोनाल्ड ट्रम्पले हस्ताक्षर गरेका छन । कार्यकारी आदेशमा अधिकारीहरूलाई शिक्षा मन्त्रालयलाई हटाउन सुरु गर्न निर्देशन दिइएको छ ।
२०२४ को चुनावी अभियानमा ट्रम्पलेगरेको वाचा अनुसार नै शिक्षा मन्त्रालय खारेज गरिन लागिएको हो ।
सकेसम्म छिटो मन्त्रालय बन्द गर्ने छौ बिहिबार कार्यकारी आदेशमा हस्ताक्षर गरेपछि राष्ट्रपति ट्रम्पले भनेका छन । यो मन्त्रालय राखेर कुनै पनि लाभ र फाइदा नभएको उनले दावी गरे ।
ट्रम्पले लामो समयदेखि यस मन्त्रालयलाई हटाउनको लागि आह्वान गर्दै आएका थिए । तर यसलाई पूर्ण रूपमा बन्द गर्न कंग्रेसको समर्थन आवश्यक छ ।
कंग्रेसमा रिपब्लिकनहरुको बहुमत नरहेका कारण अनुमोदन हुने संभावना अत्यन्तै न्यून रहेको छ । मन्त्रालयलाई बन्द गर्ने आदेशले थुप्रै कानूनी जटिलताहरु सामना गर्नुपर्ने अवस्था आउन सक्छ ।
अमेरिका अन्य कुनै पनि देशको तुलनामा शिक्षा माथि धेरै पैसा खर्च गर्छ तर विद्यार्थीहरू सफलताका हिसाबले सूचीको तलतिर रहने गर्दछन भनेर शिक्षा मन्त्रायलप्रति ट्रम्पले प्रश्न उठाएका छन ।
हस्ताक्षर समारोहमा ट्रम्पले शिक्षामन्त्री लिण्डा म्याकमाहनको प्रशंसा गरेका थिए । उनलाई मन्त्रालयको नेतृत्वको लागि नियुक्त गरिएको थियो । संभवत उनी नै अमेरिकाको अन्तिम शिक्षामन्त्री बन्ने छिन ।
ट्रम्पले म्याकमाहनलाई प्रशासनको अन्य कुनै भूमिका दिन चाहेको देखिएको छ । मन्त्रालयलाई औपचारिक रूपमा बन्द नगरे पनि ट्रम्प प्रशासनले कर्मचारीहरूलाई भने बर्खास्त गर्न सक्ने देखिएको छ ।
कार्यकारी आदेशको पाठमा प्रशासनले के कस्ता कदमहरू उठाउनेछ र कुन कार्यक्रमहरू हटाइनेछन् भनेर खुलाइएको छैन ।
१९७९ मा स्थापित शिक्षा मन्त्रालयले विद्यार्थी ऋणहरूको व्यवस्थापन गर्ने गरेको छ । कम आय भएका विद्यार्थीहरूको सहयोग गर्ने खालनका कार्यक्रमहरू पनि सञ्चालन गर्दै आएको छ ।