प्रकाशित मिति : मंसिर १५, २०८१ शनिबार
सिद्धार्थ बैङ्क नेपाल प्रिमियर लिग (एनपिएल)को उद्घाटन खेलमा विराटनगर किङ्ग्सले जनकपुर बोल्ट्सलाई जितको लागि एक सय २८ रनको लक्ष्य दिएको छ ।
त्रिवि क्रिकेट मैदान, कीर्तिपुरमा शनिवार भएको खेलमा विराटनगरले जनकपुर बोल्ट्सलाई जितको लागि एक सय २८ रनको लक्ष्य दिएको हो ।
टस हारेर पहिले ब्याटिङको निम्तो पाएको विराटनगरले १९ ओभरमा सबै विकेट गुमाएर एक सय २७ रन बनाएको हो ।
विराटनगरको लागि न्युजिल्यान्डका ब्याटर मार्टिन गप्टिलले अर्ध शतक प्रहार गर्दै सर्वाधिक ५५ रन बनाए । उनले ४३ बलमा एक छक्का र सात चौकाको मद्दतले ५५ रन बनाएका हुन् ।
यस्तै, अकिब इलियासले १५, निकोलस किर्टनले ९ र लोकेश बमले ५ रनको योगदान दिए । बसिर अहमद, सन्दीप लामिछाने र अनिल खरेलले समान ७/७ रन बनाए ।
त्यस्तै, विराटनगरको लागि क्रिस सोलले ४, प्रतिश जिसीले २ र राजेश पुलामीले एक रन बनाए भने जितेन्द्र मुखिया शून्य रनमै आउट भए ।
विराटनगरले अतिरिक्त १५ रन प्राप्त गर्यो ।
जनकपुर बोल्ट्सको लागि ललित राजवंशीले सर्वाधिक तीन विकेट लिए । यस्तै, किशोर महतो र हर्ष ठाकरले समान २/२ विकेट लिए । जनकपुरका मोहम्मद मोहसिन र बेन माइकले समान एक/एक विकेट हात पारे ।
