प्रकाशित मिति : मंसिर १, २०८२ सोमबार
अमेरिकी राष्ट्रपति डोनाल्ड ट्रम्पले यौन आरोपी जेफ्री एप्स्टिनसम्बन्धी सरकारी कागजातहरू सार्वजनिक गर्न आफ्नै दलका रिपब्लिकन सांसदहरूलाई समर्थन गर्न आग्रह गरेका छन्।
यसअघि ट्रम्पले यो विषयलाई डेमोक्र्याटहरूले सिर्जना गरेको ध्यान मोड्ने चाल भन्दै विरोध गर्दै आएका थिए। तर, पछिल्ला साताहरूमा एप्स्टिनसम्बन्धी सार्वजनिक भइरहेका विस्तृत विवरणहरूले राजनीतिमा चर्को बहस उब्जाएपछि उहाँको अडान परिवर्तन भएको देखिन्छ।
ट्रम्पले प्रतिनिधिसभाका रिपब्लिकन सांसदहरूलाई “हामीसँग लुकाउन केही छैन” भन्दै फाइल सार्वजनिक गर्ने विधेयकको पक्षमा भोट दिन आग्रह गरेका छन्।
पछिल्ला केही सातामा एप्स्टिनसम्बन्धी थप विस्तृत विवरणहरू सार्वजनिक भए, जसले गर्दा अमेरिकी राजनीतिमा ठूलो हलचल पैदा भयो। यसले ट्रम्पलाई आफ्नो पुरानो अडानमा टिक्न कठिन भयो।
दर्जनभन्दा बढी रिपब्लिकन सांसदहरूले अब दलको सीमा तोडेर फाइल सार्वजनिक गर्ने विधेयकको समर्थन गर्ने सङ्केत दिएका छन्।
आफ्नै दलभित्र यो विषयमा समर्थन बढ्दै गएपछि ट्रम्पमाथि दबाब पर्नु स्वाभाविक थियो। डेमोक्र्याट सांसदहरूले एप्स्टिन र उनकी सहयोगी घिस्लेन म्याक्सवेलबीचको तीनवटा नयाँ इमेल आदानप्रदानहरू सार्वजनिक गरे। तीमध्ये केहीमा ट्रम्पको उल्लेख पनि छ, जसले गर्दा उहाँमाथि थप प्रश्न उठे।
एप्स्टिनले म्याक्सवेललाई लेखेका थिए, “ट्रम्प नै त्यो कुकुर हो जसले भुक्दैन पीडितले मेरा घरमा उहाँसँग धेरै घण्टा बिताएकी थिइन्।”
यद्यपि, ह्वाइट हाउसले उक्त इमेलमा उल्लेखित पीडित (भर्जिनिया गियुफ्रे) ले कहिल्यै ट्रम्पले दुर्व्यवहार गरेको नदेखेको बताएकी थिइन्।
इमेलहरू सार्वजनिक भएपछि रिपब्लिकनहरूले त्यसको प्रतिवाद गर्न २० हजारभन्दा बढी फाइलहरू एकैपटक सार्वजनिक गरे र यसलाई डेमोक्र्याटहरूको “भ्रामक कथा बनाउने प्रयास” भनेर टिप्पणी गरे।
एप्स्टिनबाट पीडित तथा भर्जिनिया गियुफ्रेको परिवारले कांग्रेसलाई पत्र लेखेर सबै फाइल सार्वजनिक गर्न आग्रह गरेका छन्।
ट्रम्पको अडान परिवर्तन भएपछि सांसद मार्जोरी टेलर ग्रिनसँग उहाँको खुलेआम वाकयुद्ध सुरु भएको छ। ट्रम्पले ग्रिनलाई “धोकेबाज” भनेका छन्, भने ग्रिनले ट्रम्पले अब “अमेरिका फर्स्ट” लाई प्राथमिकतामा राखेको छ कि छैन भन्ने प्रश्न उठाएकी छन्।
अमेरिकी न्याय मन्त्रालयले एप्स्टिनका ठूला बैंकहरूसँगका सम्बन्ध र केही प्रमुख डेमोक्र्याटहरूसँगका सम्भावित कडीको अनुसन्धान गर्ने घोषणा गरेको छ।
यसमा पूर्व राष्ट्रपति बिल क्लिन्टन, लिंक्डइन संस्थापक रिड हफम्यान र पूर्व अर्थमन्त्री लरेन्स समर्सको नाम उल्लेख गरिएको छ। क्लिन्टनले भने सबै आरोप अस्वीकार गरेका छन्।
प्रतिनिधिसभामा विधेयक पारित हुने सम्भावना निकै उच्च रहे पनि सिनेटमा पनि पारित हुन्छ कि हुँदैन, त्यो भने स्पष्ट छैन।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्